衛詩雅（Michelle）早前出席在日本舉行的護膚品牌全球發布會，同場還有泰國人氣男神Win Metawin。Michelle談到護膚心得時說︰「唔一定要買最貴嘅護膚品，應該買適合自己嘅護膚品，我會不斷嘗試搵到最啱自己嘅產品。我遇過最大嘅皮膚問題應該係玫瑰痤瘡，最後需要調整作息同使用藥物先可以得到紓緩，但當壓力大嘅時候都好容易翻發！」
去年電影《破‧地獄》上映後，Michelle不停出席宣傳、謝票及各地影展活動，早前又忙籌備婚禮，放假休息日子遙遙無期。她趁這次到日本工作瘋狂食買玩︰「今次去日本工作之餘，都有shopping大出血，因為呢幾個月嚟有啲忙，所以一有機會都食咗好多嘢，同埋買咗好多嘢！」
