鄭中基（Ronald）去年8月鬧出「經理人風波」，合作多年的何慶湘被指工作與道德操守有問題而離職，兩人關係惹網民熱議。Ronald隨後自爆患抑鬱症及有酗酒問題，宣布9月完成兩場高雄演唱會後暫停工作，由太太余思敏陪伴下前往美國接受戒酒療程，其YouTube頻道「機動電視台RTV」則由旗下藝人繼續運作。
去年12月中，內地社交平台「小紅書」曾瘋傳Ronald在澳門永利皇宮演出最新短片，但他一直未公開露面，亦未有更新個人社交平台。隨住他跟胡耀輝聯合執導兼主演的電影《阿龍》將於下月上映，Ronald亦終於正式回歸。
YouTube頻道「機動電視台RTV」明晚（6日）9時上載他重返公司的新片。「機動電視台RTV」Ig今晚（5日）率先公開部分片段，影片中的Ronald戴上有色鏡片的眼鏡、身穿藍色衛衣及牛仔褲，身形似比去年瘦了點，但精神好好，與公司上下有講有笑。他一出現，旗下員工立即遞上收據找他簽名。
Ronald笑着說︰「等喇，我知道，好多單要簽﹗」眾人笑言「老闆再唔返，個Channel就要冧」、「你再唔返，我就冇糧出啦」等。Ronald在影片又化身簽證面試官，為英文差的員工模擬面試。
