前無綫小花陳欣茵曾是《#後生仔傾吓偈》主持之一，亦曾演出過《學是學非》，前年9月離巢，現時她專注做KOL經營社交平台。
昨天（5日）有網民在社交平台爆料，指自己在美甲店曾遇陳欣茵，並稱有不快經歷：「有次修甲見到佢，佢等咗一陣然後勁惡罵人哋美甲店。我嚇親望咗望，然後成程整甲佢狂啤我。好驚，真人幾肥。」
陳欣茵亦親自回應該網民，並澄清當時她等了45分鐘：「所以都好有禮貌地問店員點解要等咁耐，先發現原來有人book咗時間每次都遲到至少一個鐘先到，小姐，希望你以後gel甲準時少少，唔好搞到後面啲客人時間亂晒！仲有唔好上網生安白造，因為我都見過你個樣㗎，你係咁望住我先會係咁望住你~謝謝。」
及後陳欣茵再在Ig限時動態貼出一張與另一個網民的私訊截圖，她寫道：「同埋我做得公眾人物，啲人會認得我，點會鬧人？博上報咩？同埋我唔會鬧人囉，喺條街度完全唔敢惡...鵪鶉嚟。」她又謂：「如果可以喺條街度發癲，其實，我都唔夠膽。」對於在美甲店等了45分鐘，她回應：「諗吓我等咗45分鐘仲等緊，就知道我X頭嚟。」她又憶述經常被的士司機兜路：「跟住照俾錢落咗車，嬲自己嬲到喊。」
