鄭中基（Ronald）去年8月鬧出「經理人風波」，合作多年的何慶湘被指工作與道德操守有問題而離職。Ronald隨後自爆患抑鬱症及有酗酒問題，完成9月兩場高雄演唱會後暫停工作，在太太余思敏陪伴下前往美國接受戒酒療程。隨住他主演及聯合執導的電影《阿龍》下月上映，Ronald正式回歸，昨晚（6日）再次現身其YouTube頻道「機動電視台RTV」的最新VLOG，分享他平日返公司處理事務的情况。
消瘦不少的Ronald一入公司門口，一眾年輕同事就熱烈歡迎，還說「爸爸回來了」，有員工立即遞上大疊要申請報銷的收據找他簽名。Ronald對鏡頭說︰「返嚟拍嘢順便同大家講吓，其實我返咗嚟一段時間，戒酒嘅療程都完成咗㗎啦，不過醫生就叫我唔使咁急返嚟做嘢，所以我就處理咗Channel啲嘢先囉。」他之後又對眾同事表示︰「都要湊番你哋啦，仲有咁多印度嘅單﹗我想慢慢睇吓印度嘅單係乜嘢。」眾同事們均忍不住笑出來，同時叮囑他不要查看單據的細項，以免失去影片題材的驚喜。Ronald之後又化身簽證面試官為英文差的員工模擬面試、玩伸展動作遊戲，其間與眾同事有講有笑。
