曾參加ViuTV節目《大力情人》的運動健將夫婦方泳琳（Jessie）及陳張敏（Ryan），今天（8日）宣布喜訊，Jessic在社交平台貼出懷孕照：「終於可以同大家分享呢份喜悅啦，我哋一直都好鍾意小朋友，所以結婚之前已經做晒婚前檢查，婚後亦都即刻調理身體，進入備孕狀態！」
Jessie透露直到拍攝《大力情人》時，身形已經調理到大了成個碼，但最驚險是去到拍攝最後一日，她也未知自己原來已經懷孕好幾周，甚至在節目內讓老公踩在她的背上。
她寫道：「喺節目入camp嗰陣搬咗好多個沙包，好似摔角咁推對方出沙圈等等嘅危險動作，諗返起都牙煙（最後係拍晒成個節目先發現自己有咗），之後隔咗冇幾耐，唔知係咪真係太操勞，發現有少少見紅，要臥床成個星期，不過BB都好叻叻，冇事冇事。」
Jessie感謝上天給機會他們成為父母，非常期待BB來臨：「唔知BB鍾唔鍾意打籃球呢？究竟佢會似Mammy做射手，定係似Daddy做大前鋒呢？」
