溫碧霞（Irene） 一口氣完成手頭上兩大項「工程」，包括新片《謊島美人魚》多個優先場以及第5本靚相集《Irene Wan Life Style》，Irene趁新片上畫前，飛峇里休息幾日，曬太陽兼充電。
今次她飛起老公Kenny及囝囝Xavier，獨自飛去峇里，本想享受一個人的浪漫寧靜，怎知她的朋友獲悉只得她孤身在當地不放心，大家輪流飛去陪伴，結果「浪漫」失敗。
她笑說：「我到咗峇里第2日，已經有女性朋友特登飛嚟陪我；再過多兩日，再多一位女性朋友又飛來，她們好可愛，她們說怕我一個人不習慣，會悶，又擔心我危險。𠵱家呢度（峇里）變得好熱鬧，最後到咗3位女性朋友。」
為何今次不叫老公陪飛？她說：「我係臨時想飛，想放下假曬太陽，早排又宣傳新片及影集，有點攰。Kenny有好多公事在身，而且我未試過一個人，想試下嘛。不過，今次失敗了，但好開心，有咁多朋友惜。（老公最初放心？）Kenny從來都好支持我想做的事，可能他也估到，一定會有朋友飛來陪我。」
