TVB節目《中年好聲音3》將於後晚（13日）播出新一集，林子祥（阿Lam）擔任嘉賓評審，見證12強晉身10強淘汰賽事。12位參賽者配合主題「林子祥金曲之夜」，自行揀選阿Lam歌曲參賽。曹越穿上大露背裝、口咬玫瑰花登場，邊跳flamenco dance（佛蘭明高舞）邊獻唱《活色生香》，超結實背肌十分吸睛。
車婉婉驚嘆：「健身教練真係唔同啲，個背肌好似同我say hello咁！」阿Lam對於曹越的演出大讚：「真係上晒身，好落力，又跳又唱，我唱呢隻歌都唔會做到咁樣。」張佳添認為曹越表現未夠放：「你把聲線未夠sexy，硬咗少少。」肥媽聞言幫忙「解畫」：「佢哋講嘅你未必明，我講你就會好明，你唱呢隻歌唔夠姣，你兩個麻甩佬就係想講呢個意思咋嘛！」海兒認同後，隨即被肥媽叫示範。
趙浚承獻唱《最愛是誰》時自設吹口哨環節，阿Lam認為他很大膽，還表示「呢隻歌未必啱你」。張佳添亦批趙浚承「口哨演奏」破壞了氣氛。
