劉青雲憑電影《爸爸》於今晚（27日）舉行的「第43屆香港電影金像獎」奪得「最佳男主角」，第4次登上金像獎影帝寶座。《爸爸》導演翁子光在台下激動落淚。青雲說︰「今日係一個好特別嘅晚上，我21歲第一部拍嘅電影叫《聽不到的說話》，導演係姜大衛，今日佢坐咗喺度，佢都好開心。我亦都好開心見到好多前輩喺度，因為如果你哋唔嚟，我就係前輩。《爸爸》畀我一個好奇怪嘅過程，我知道我其實太多嘢唔知道，但係拍完之後，我以為自己知道，其實都係唔知道。我亦都好感謝團隊。多謝大家咁熱愛電影，我都好多謝自己嘅團隊、我嘅屋企人、我嘅太太。我要特別多謝爸爸，我要多謝嗰一位爸爸﹗」
