第43屆香港電影金像獎頒獎典禮，今晚（27日）假文化中心舉行。由許鞍華及關錦鵬負責頒最佳導演及最佳電影，許鞍華問關錦鵬：「你今年幾歲？」關錦鵬聞言即玩食字：「唔好提『關歲（稅）』呢個兩字，我哋只係電影人，好好拍電影。」
鄭保瑞（瑞導）繼去年憑《命案》奪得最佳導演後，今晚憑《九龍城寨之圍城》冧莊，奪得該殊榮。他說：「好幸運可以再次攞到呢個獎，我覺得今屆5位導演交出有質素﹑非常有個性及獨特嘅電影。」
他續說：「好老實，《九龍城寨》未必係我自己最想拍嘅題材，當我接到Order後，希望自己用最專業及投入方法去完成呢部電影，我好多謝我所有伙伴，仍然相信香港獨特地方，仍然相信香港電影工作者能拍出有質量﹑獨特及充滿個性嘅香港電影，香港電影加油﹗仲有多謝我家人﹑太太﹑媽咪及囡囡，I love you all﹗」最後《九龍城寨之圍城》奪得「最佳電影」，在14項提名中榮獲9個獎，成為頒獎禮大贏家。
