跟黃翠如拜年𢭃利市 洪永城:諗過儲錢畀佢買姑婆屋

文章日期:2019年02月10日

【明報專訊】洪永城戥黃翠如成為蕭正楠太太開心,趁農曆新年向他們拜年𢭃雙封利市。洪永城把合照上載社交平台分享,蕭太還親自炮製蘿蔔糕給好友品嘗。

洪永城留言說:「等咗你咁多年,終於收到你嘅利市,嗰陣仲以為一世都無咁嘅機會,我仲曾經諗過儲錢畀你買姑婆屋,不過依家又識煎蘿蔔糕,咁難煎嘅嘢都畀你煎到,真係好難得,又識洗碗,又有一件燒腩肉照顧你,咁我就放心啦。恭喜你找到人生旅程入面一個好好嘅旅伴。」翠如亦回敬他說:「喺你仲未娶到老婆煎蘿蔔糕畀你食之前,我們家都歡迎你。不過娶到老婆之後,就唔好來打搞我哋啦。」

娛樂組

明報影片