李克勤催基仔生B:要有舉同埋動先得

文章日期:2019年04月14日

【明報專訊】古巨基(基仔)紅館演唱會前晚第2場,嘉賓李克勤與基仔在台上大放笑彈。克勤是兩子之父,見基仔結婚5年未有BB,替基仔緊張。他提到容祖兒做嘉賓時爆基仔在飯局時不停摸老婆Lorraine,克勤笑說:「我聽講昨晚個嘉賓爆你兩公婆成日摸手摸腳,其實呢啲情景我都見過呀!我好想問你,點解你淨係摸呢?點解咁耐都摸唔出啲咩來㗎?」克勤繼續說:「你唔好淨係摸得㗎,要有舉同埋動先得呀!」惹來全場大笑。

傳授阿倫生仔秘技

基仔虛心向克勤請教:「我知你堅呀!你出咗兩大嚿!」克勤教路:「都係譚詠麟(阿倫)教我,你想生仔定生女?生仔呢,阿倫話要倒掛金鈎!生女就要用一招腳趾尾拉西!」基仔聽得一頭霧水,反問:「我想問,倒掛金鈎,是我掛定老婆掛?拉西我剩係覺得腳趾尾好赤喎!用邊個腳趾尾先?」克勤說只可以意會,唔明去問阿倫,再詳細教他。娛樂組

■更多娛樂猛料 ﹕ol.mingpao.com

明報影片