拉薩獻唱唔夠氣須吸氧 李克勤老貓燒鬚

文章日期:2019年06月03日

【明報專訊】51歲李克勤前日到西藏拉薩參加商演,唱他的首本名曲《紅日》時,竟然不夠氣,完騷後還立即在車上吸氧氣,他自言失禮。

克勤在社交網上載吸氧氣的片段,他寫道:「《紅日》呢首歌大大話話唱咗一萬幾千次,老老實實,我諗就算頭暈身㷫,只要唔係大病,都可以憑經驗順利度過,從來未試過有『唔夠氣』嘅感覺。唯獨是這一次在拉薩,唱完兩首歌還好地地,自己以為冇問題,到唱第三首《紅日》時,開頭兩段還很正常,於是唔識死,開始周圍走周圍跳,點知一跳就出事,上氣唔接下氣,中間還停了一句唞氣……(海拔)3650米,真係唔講得笑,失禮晒!」他形容是難忘經歷,還笑說:「各位同業,如果有機會去拉薩唱歌,請聯絡我,我有很多有趣的經驗可以和大家分享。」他的太太盧淑儀留言笑他「Naughty boy」。

娛樂組