古天樂拍爆炸戲受傷 吳鎮宇:縫3針就唔好講啦

文章日期:2019年08月08日

【明報專訊】古天樂(古仔)、張家輝、吳鎮宇、馬德鐘、王君馨、袁偉豪、張寶兒等合演的新片《使徒行者2諜影行動》前晚舉行首映禮,眾無綫藝員現身支持,場面熱鬧。該片遠赴緬甸和西班牙取景,古仔受訪時表示,在緬甸拍最後一場爆炸戲時,右手被玻璃割傷流血,因擔心傷及神經線,送院醫治縫了3針,幸好沒有傷及神經線。鎮宇窒古仔:「縫3針就唔好講啦,我拍文戲鋸扒,傷到隻手指尾都縫了2針,坐直升機去醫院求診。」家輝笑指自己1針也沒縫過,但有「jump」樓梯戲!

爭請古天樂當嘉賓

家輝提到在西班牙取景,他為追近古仔膚色,在烈日下曝曬,但也低古仔兩度。古仔指家輝用心良苦,怕燈光師打燈辛苦,所以他亦不曬燈,狂敷面膜配合。提到謝安琪舉行演唱會,有觀眾說古仔做嘉賓那場才買飛,問他是否嘉賓?他說不知道屆時有無事做,其後古仔經理人表示正在洽談。對於田蕊妮個唱也想請他做嘉賓,古仔說:「真的不知道。」鎮宇趁機說:「我個音樂劇都欠人,叫古仔來客串1、2場戲,未知角色,要睇是日餐單。古仔要幫我,所以謝安琪和田蕊妮免問。」

袁偉豪陪女友西班牙拍戲

袁偉豪被踢爆做「跟得男友」,陪女友張寶兒到西班牙拍攝。他解釋未去過西班牙,順便旅行。有否順便看結婚場地?他讚當地風景很美,天氣也很好,適合度蜜月,但未必會舉行婚禮。他又自爆在緬甸拍直升機戲時,要揸槍俯身出去,安全帶試過不慎鬆脫,幸好沒發生意外。寶兒聽到「嘩」一聲,袁偉豪說沒告知女友及家人,不想他們擔心。

王君馨第2次與鎮宇合作,她指上次怕醜不敢望鎮宇雙眼,今次發現對方很友善。

記者:柯美

攝影:鍾偉茵

■更多娛樂猛料 ﹕ol.mingpao.com