阿Sa遊希臘扮女神

文章日期:2019年09月10日

【明報專訊】蔡卓妍(阿Sa)完成舞台劇《情敵勸退師》後到希臘旅行充電,這是她由細到大一直最想去的地方,終於願望達成。阿Sa在社交平台分享希臘留影,穿著白色長裙似希臘女神。她留言:「細細個媽咪最鍾意同我講希臘神話故事,印象最深刻就係郭富城嘅音樂特輯《希臘驚情》,睇完之後,我仲著住嫲嫲的拖鞋加毛巾扮希臘女神。」《希臘驚情》於1993年播映,當年阿Sa只有11歲。

阿Sa又提到中學時唯一一本她睇完又睇的書《The Greek Gods》,她說:「由細到大一直最最最最想去嘅地方就係希臘,好想親眼望吓Parthenon,好想遊歷所有古蹟,好想感受吓古希臘文明同埋好想著條白色『女神』裙,懶靚咁影張相(唔好笑我,兒時夢想吖嘛)。」她稱長途跋涉加上時差,感到有點攰,但見到一刻好震撼。容祖兒留言笑阿Sa是「鍾麗緹」。鄭希怡大讚她是女神。

娛樂組