【明報專訊】陳家樂與陳瀅因合作拍劇傳出緋聞，但兩人齊否認秘密拍拖。最近「雙陳」首次以緋聞情侶檔為服裝品牌拍攝宣傳片，兩人鏡頭前奉旨曬甜蜜溫馨，全情投入交戲。
陳家樂與陳瀅自合作拍劇後變成好友，今次再扮演情侶，既互相戲弄又互相照顧，非常合拍。陳瀅表示對打扮一絲不苟及舒服為主，即使平日穿便服外出或帶愛犬散步，亦不忘玩撞色襯衫。拍攝時她帶同兩隻可愛狗仔到場，令現場增加不少歡樂氣氛；工作人員取笑雙陳與狗仔合照好甜蜜，似足一家四口。他們笑笑口認似影家庭照，但陳瀅稱跟家樂只是好兄弟關係，「我和家樂能成為好朋友，因大家有話題傾得好投契」。雖口說是好兄弟，但家樂拍攝時仍細心體貼照顧緋聞女友，尤其踩滑板和推車時，皆小心攙扶對方。
熱愛運動陳家樂，衣著喜歡隨意，笑言揀衫同揀女朋友一樣全憑直覺，第一眼鍾意就鍾意！他似暗示恨拍拖，「有時自己一個人跑步都會悶，陳瀅就有兩隻狗仔陪，如果將來有另一半陪我跑步就最好啦」。
