【明報專訊】武漢肺炎疫情擴大，市民爭相搶購口罩及消毒搓手液等防疫用品，供不應求。在此人心惶惶時期，卻有人因散播不實謠言製造混亂。前日網上傳出楊明有份投資的燉湯店會免費派發10萬盒口罩給市民，阮民安亦在facebook發文，呼籲市民衝去攞。楊明前日已即時否認，稱派口罩是謠言，其食肆的口罩存量只夠員工半個月至一個月用。
楊明昨日在社交網上載聲稱其燉湯店會派口罩的帖文截圖，以及阮民安呼籲市民到燉湯店索取口罩的留言截圖，斥造謠者無人性。他說︰「你知唔知出面有幾恐慌？疫情有幾嚴峻？你𠵱家仲有心情喺度散播謠言！你唔發放正能量去抗疫，都唔好煽動他人去刑毁吖。你係太悶？定係仲想刷存在感？呢隻病毒係每個人都有機會中，唔係開玩笑㗎！𠵱家唔係爭吵嘅時候，係全城抗疫呀！麻煩搵番自己啲人性出嚟啦！#無人性恐怖過有瘟疫 #抽水都睇情况吖。」
娛樂組
