馬國明大讚全公司最靚仔 太太煮拉麵賀壽 蕭正楠冧爆

文章日期:2020年03月25日

【明報專訊】蕭正楠(阿蕭)前日43歲生日,昨日在電視城拍新劇《一笑渡凡間》。阿蕭表示正日沒特別慶祝,響應香港政府呼籲不聚餐,與太太黃翠如在家中度過,除了有基本的蛋糕外,老婆還親自下廚,煮拉麵給他吃。

阿蕭被問沒肚子痛?他冧爆說:「你們很衰,不知幾好味!」談到翠如在社交平台貼相留言祝賀他「牛一」,網民大讚冧爆。阿蕭甜笑說一年會有一次,很多謝對方。

阿蕭說之前扭傷腳,故生日當天翠如都有陪他去做物理治療:「我受傷期間,太太好招呼周到。(有冇幫你冲涼?)又不用,但有幫我捽腳,她每晚都很溫柔地用藥油幫我捽受傷那隻腳。」問到生日願望,他希望疫情快點過,有幾名開餐廳的朋友都受影響,叫苦連天;他透露其漢堡店已於上年結業。到底何時做爸爸?阿蕭表示目前專心工作,太太5月開新劇,招呼觀眾比較重要。

訪問期間,撞到同樣回來開工的馬國明搭訕,後者祝賀阿蕭外,笑言公司前日特別停廠讓阿蕭回家慶生。阿蕭解釋只是上套劇剛拍完,要清場和消毒。馬國明又大讚飾演濟公的阿蕭,穿上古裝是全公司最靚仔,如果清裝就更靚仔,自言向來很迷他,十分搞笑。

記者:陳釗