歐陽巧瑩計劃參選區議員 推動香港大麻合法化

文章日期:2020年03月30日

【明報專訊】現年27歲的歐陽巧瑩於2013年香港小姐奪得「友誼小姐」,加入無綫近7年,昨日她宣布已約滿離巢。她接受傳媒訪問時透露計劃4年後參選區議員,其中一項議題是在香港推行大麻合法化,她認為如果視大麻為毒品,太井底之蛙,大麻合法化是未來主流,可以幫到經濟。她的言論惹來網民爭議。

否認博出位

歐陽巧瑩貫徹自己想法,在社交網發文說言行大膽不是博出位,請不要再標籤及用道德綁架她。她說:「一份合約嘅終結、解脫,多謝自己捱過咗七年。有人問點解呢一年少見咗你?因為我唔想做幕前,講咗好多次,我言行大膽,唔係博出位,我根本唔想喺街有人認得我,我只係一個人,唔該唔好再標籤我,唔好再道德綁架我。我係一個點嘅人,我好清楚;我立場係乜,我好清楚;識我嘅,都好清楚;唔好再估,亦唔使再估。推動香港大麻合法化,合法化之後就唔使咁多無謂嘅包容,多謝朋友關心。我其實一啲都唔鍾意大麻,喺荷蘭試過,唔鍾意,鍾唔鍾意係個人喜好,啱,就應該支持。#香港加油」

娛樂組