傳暗撻大隻仔鄭衍峰 馮盈盈護愛苗:唔好搞禍我

文章日期:2020年04月14日

【明報專訊】馮盈盈跟拍拖4年的醫生男友鍾文浩(寶寶)雖已買樓並展開同居生活,可惜相見好同住難,去年底分手收場。近日寶寶被影到跟新歡手拖手睇日落,看來馮盈盈跟舊愛復合無望。回復單身的她,近日亦傳出新緋聞對象,是無綫藝人兼主播鄭衍峰。兩人在溫哥華拍《#後生仔傾吓偈》結緣,鄭衍峰有大隻仔之稱,現在是無綫娛樂新聞台主播。有指兩人「暗撻」3個月,馮盈盈回應《明報》,搞笑叫大家不要心急,唔好「搞禍」她的着落。

記者:陳釗

有傳馮盈盈去年11月跟大隊到溫哥華拍《#後生仔傾吓偈》特輯,在溫哥華長大的鄭衍峰(Leonard),做嚮導帶節目組去玩,相處下跟盈盈互有好感發展戀情,去年12月31日兩人共度除夕夜。

早前《#後生仔傾吓偈》安排甩拖的盈盈與8名小鮮肉玩Speed Dating,馮盈盈特別欽點Leonard任其中一名嘉賓,節目中Leonard更封盈盈為女神又向她表白。

否認單獨約會

昨日盈盈回覆《明報》時,否認和Leonard拍拖,她說:「除夕當日其實約了一大班朋友去元朗BBQ慶祝,除了我和Leonard負責去超市買食物,還有好幾個朋友一齊由圓方坐車入去,絕對不是二人慶祝除夕,行到那麼遠,是因為不想被人誤會,始終當時情况(剛分手)較敏感,不想影響朋友要上新聞。我和他是好朋友,其實我會結識新朋友,以及跟朋友出街食飯都好正常,我亦對此好坦誠。」

唔心急拍拖

問及感情狀况,盈盈表示抱開放態度,她說:「好多人都有機會的,不過我希望可以慢慢了解清楚他們,好多謝大家關心我,但我都不太心急,想慢慢看清楚先,認識新朋友,希望大家可以給我空間,大家不要這麼心急,唔好搞禍我啲着落喇!」至於Leonard被傳媒求證是否跟盈盈拍拖時,他說不清楚有關報道,要了解下。

RELATED