10月底紅館開騷 梁漢文:大家一齊集氣

文章日期:2020年04月29日

【明報專訊】梁漢文將於10月在紅館舉行第5次個人演唱會。在新冠病毒疫情下,近月的演唱會不是取消就是延期,昨日梁漢文公布好消息說:「公司通知我,已經定好今年10月尾在紅館開我第5次個人演唱會!如果疫情一直轉好,我會唔會係香港第一個歌手在紅館開番演唱會呢?大家同我一齊集氣!10月尾生活回復正常,我們於紅館相見!咁開心一定要慶祝吓,所以我決定食爆佢!哈哈哈!」

「有半年時間操fit」

鏡頭一轉,梁漢文去「掃街」,吃墨魚、生腸又大啖咬炸雞髀。被問及有信心疫情在演唱會前退卻?他說:「相信不是我一個人對疫情有信心,全世界都要對疫情抱有信心,每一個人都希望可以過回正常生活。所以我咪叫大家一齊集氣,望香港日日零感染。當然公司都做好兩手準備,如果到時疫情真係大爆發,就會另有安排。」他又稱大家應該抱正能量繼續生活,不可以因疫情就世界停頓了。當初公司跟他商量入紙紅館時,他也贊成,「行咗先、做咗先,咁紅館又批咗,就當一切正常,努力籌備一個精彩騷給大家,等疫情過去」。他稱暫時一切未定,只定了檔期,稍後開會籌備並要錄新歌,他還有半年時間操fit。

娛樂組

■更多娛樂猛料 ﹕ol.mingpao.com