一蚊Joe再做老竇 太太誕8磅B女

文章日期:2020年05月05日

【明報專訊】游莨維(一蚊Joe)與太太Clara育有兩歲囝囝Morgan,昨日報喜,囡囡Meagan出世了,一子一女湊成個「好」字!Meagan是巨B,出世重8磅,喊聲響亮。一蚊Joe接受《明報》訪問,稱兒子出世時重7磅,醫生說第二胎會比較重,果然Meagan出世較哥哥重1磅。

囡囡英文名叫Meagan

一蚊Joe開心「前世情人」加入成四口之家,稱囡囡似媽咪是靚女。太太Clara今次剖腹生女,因有經驗,前晚早瞓加上女兒好乖,佗B時也不太辛苦,產後太太很精神。由於疫情關係,一蚊Joe陪入產房只能隔着玻璃看。他稱除了在手術室內曾抱過女兒,暫時他也不能掂BB,太太也是餵奶時才可以抱。他明白這時期大家也要小心,待BB出院返家便可以抱到夠,他已向公司請假半個月,幫手湊BB。他透露早於兒子出世後已為女兒改名,兩兄妹的名字Morgan與Meagan有特別意思,因他跟太太是2011年的JP Morgan周年晚會認識,哥哥跟妹妹成為「Mee Mee」與「More More」組合。

楊怡坐月過十二朝派薑醋

另一方面,40歲楊怡上月中為老公羅仲謙誕下囡囡「小珍珠」,羅仲謙做爸爸努力工作掙奶粉錢。楊怡昨日在社交平台上載她抱「小珍珠」的照片,她精神不俗,留言:「初為人母,真係好多嘢都唔識,過咗十二朝,原來可以派薑醋啦,我準備咗豬腳薑醋禮卡,方便寄送畀親友,一齊呷呷醋。」

娛樂組