【明報專訊】前新聞主播陳嘉倩與蔡宛珊、羅沛琪為ViuTV主持新飲食節目《今晚趁熱食》，分享美食和廚藝，昨日在記者會即場示範整健康青菜汁。
蔡宛珊注重保養，每日必抽時間做運動，而且食得健康，她形容自己是「食物警察」，負責監察大家飲食習慣。她自言未夠弗要繼續努力減肥：「果汁有很多果糖，應該直接食生果好過榨汁。我又研究好多方法，如每日會斷食16小時加做運動兩小時。飲食方面盡量少澱粉質少糖，照吃肉類蔬菜，打邊爐都可以，已習慣忍口當訓練意志力。」她年輕時曾靠食藥減肥，雖然瘦得快，也反彈得快，而且有情緒低落副作用，勸大家切勿用藥，因減肥無捷徑。
陳嘉倩原來不戒口又喜歡吃重口味和嗜辣，嫌自己水腫和多脂肪，她的健身教練建議應增加鍛煉肌肉，故在家勤做瑜伽，又搞笑利用睡眠10至12小時當斷食。她自爆揀男友要求：「最好是健康身形有肌肉，又喜歡做運動，因為我不是運動型，男友就可以教我，最緊要大家都鍾意食辣。」
記者：林蘊兒
攝影：孫華中
■更多娛樂猛料 ﹕ol.mingpao.com
