【明報專訊】黃秋生與林嘉欣、陳家樂、湯怡等主演的電影《死因無可疑》，口碑及票房不俗，秋生與嘉欣的演出獲觀眾讚賞。身在台灣拍劇的秋生，未能抽空回港宣傳，昨午他在facebook上載短片呼籲大家支持《死因無可疑》，以及支持香港電影。
秋生說：「香港人係咪有心支持香港電影呢？我相信係嘅，但香港人係咪盲撐香港電影呢？我又認為唔係嘅，當然我好多謝已經入場睇《死因無可疑》嘅觀眾，我更加希望未睇嘅朋友，可以入場支持《死因無可疑》。今時今日開拍一部香港電影已經是非常困難的事，如果再無觀眾去支持，相信大家可以想像，跟住會係咩情况。希望大家全力將《死因無可疑》呢幾隻字，放喺戲院多兩個禮拜，香港電影能否繼續存在，香港人肯入戲院支持，至為重要。」
娛樂組
