疫市開店賣和牛 麥長青找出路增收入

文章日期:2020年07月20日

【明報專訊】麥長青(麥包)近日疫市開店,於大坑賣和牛。香港爆發第三波新冠肺炎疫情,政府收緊防疫措施,食肆「晚6朝5」只能做外賣,很多市民會選擇留家下廚。麥包的食店看準時機,賣食材外,還教顧客簡易的烹調方法,人人在家都可以做大廚。他與朋友合資近7位數字,他相信有危先有機,希望搵到出路,老婆及女兒更落舖幫手,一家人拍住上。

記者:鍾偉茵

麥包昨日在食店坐鎮,親力親為,老婆及女兒都一齊幫手。麥包稱女兒因疫情未能回澳洲讀書,故齊心搞好店舖,女兒會幫他畫宣傳板,又會將他教煮食物的片段剪接放上網。

淨支出 無收入

他透露決定開店在3個月內落實,最主要朋友做開餐廳熟門路,提議不如代理日本牛肉來港,他覺得在現今這個環境,可以一試。麥包說:「我不斷搵嘢畀自己做,拍攝工作嚴格嚟講去年中已停晒,一路搵唔同出路。好似做網上嘅嘢,但只有支出,無收入,不如試其他嘢,有朋友支持又幫到自己,可以試吓。好多人由疫情開始,習慣留在家,較少出街食飯,大家都好注重衛生,多數在家進食,咁試吓做呢樣嘢,我都學了一些簡單易煮嘅嘢,讓大家返屋企試煮,而且日本烹調較簡單,簡而精,有啲嘢我哋整好晒,人人都可以做大廚,發揮『煮』意。」

遇到好業主減租

他大讚街坊好好,大家好團結,會互相幫襯,他說:「業主又好,啲租平咗啲,𠵱家都係一個時機,危機危機,有危先有機,坐喺度都唔係辦法,要搵條出路先得。」

麥包賣的牛肉直接由日本入貨,由於近日當地水災,輸入較難及可能遲些會貴,他慶幸之前有訂貨,還有些存貨。

■更多娛樂猛料 ﹕ol.mingpao.com

RELATED