【明報專訊】石詠莉接受許文軒主持的音樂節目《我們的音樂時代》訪問，談到由性感女子組合成員到製作HiFi唱片感受。她說：「2014年我在谷底想放棄，多得鄧健泓畀信心。我本身想做原創歌，2010年試過失敗了，出了等於無出，便決定做HiFi碟，覺得一個歌手應該以聲音行先，不是形象同新聞，所以在HiFi碟唱一些大家熟悉的歌，令大家可以真正聽到我把聲。」
有否覺得因做HiFi碟成功洗底？她說：「最初不是想自資，因為同一些唱片公司傾過，反應是no，聽到好難聽的說話，幫佢會唔會影響我哋唱片公司形象？不要花錢落佢度，做極都做不起。因為咁令我哋慢慢學識，點樣做好一張好的HiFi碟，亦畀大家睇到我的誠意與用心。以前我好介意在人哋面前提起石詠莉這個名，因為個個聽到都耍手擰頭，現在我不介意，仲好開心。」
娛樂組
