【明報專訊】杜汶澤前晚於九展舉行首場「香港企硬」talk騷，以拳手造型現身曬健碩肌肉，令現場觀眾不停大叫。他談及多名藝人如四大天王、容祖兒、周潤發等，又講警務處長與藝人無戴口罩飯局等話題。
他之後在社交平台談及今次身形，「其實坦白講，今次收得唔係好夠乾，肉亦都儲唔夠，識睇嘅一定睇得出無料到。年紀大唔係藉口，表演藝人永遠聲、色、藝，缺一不可。我係唔會乞求觀眾體諒嘅人！希望下次有機會上台可以再做好啲」。
前晚捧場圈中好友有鄭中基、王喜、林日曦等。林日曦與杜汶澤合照時比併手臂，林日曦的手好瘦，林海峰與盧覓雪昨日在商台節目說擔心他的健康，稱杜汶澤的筋還粗過林日曦個手瓜。林日曦在社交平台回應說自己OK，大家不用擔心。他又稱暫時未驗到有絕症，因為無去驗。
娛樂組
