【明報專訊】苑瓊丹（苑仔）近日忙為即食餸包做宣傳，邀得好友鄭則仕（Kent哥）到燒味工場品嘗「即燒三層燒腩仔」。Kent哥笑稱苑仔次次都出「雞髀打人牙骹軟」這招，他鍾意食，無法抗拒。他稱疫情下逼出廚藝，食得入口但算不上精品，都是看食譜學煮。他好想煮一次給苑仔食，因之前每次出街食飯，苑仔都爭贏埋單。
Kent哥亦想跟苑仔學做生意，讚對方有從商天分，相對他做好多生意，全部失敗收場，所以不敢與苑仔合資。Kent哥提到現在二人限聚令，不敢約苑仔見面，因不能帶另一半，並笑說：「你知她幾風流㗎啦，實畀人講閒話，今次拍片先敢畀她餵我食嚿叉燒咋。」
娛樂組
