為家用未辭工 雲浩影呻全職歌手難搵食

文章日期:2021年01月26日

【明報專訊】雲浩影(Cloud)參加ViuTV節目《全民造星III》雖大熱倒灶,但無損人氣,成為廣告新寵。昨日獲邀到尖沙嘴出席商場活動搵真銀,對於被指身價由4位飈升至5位數,直率的她笑道:「好快冇喇。雖然是,但都要補番之前參賽幾個月無返工的人工,况且暫時未收到,亦要和公司分帳,化妝整頭都要成本。」

Cloud表示現階段暫時會繼續做OL,邊做邊唱,她說:「我不會放棄唱歌。(為何不選擇做全職歌手?)搵唔到食,除非紅到日日有嘢做,office工收入穩定,畀到家用。」她透露正和幾間唱片公司洽談,但想了解多些再下決定,她說:「我希望唱片公司可以給予多點自由度,最緊要做到自己鍾意的歌,價值觀能互相配合。」

讚CY叻仔追到Carman

Cloud稱男友很支持她的決定,問男友可會擔心她入行誘惑多?她向男友派定心丸說:「應該唔驚啩,因為他最靚仔,我鍾意的類型是他。」對於《造星III》CY、Carman及天堂鳥Gordon被指戀情關係複雜,Cloud說:「我覺得追求真愛幾好,參賽時不知CY和Carman拍拖,他們收得好埋,知道都嚇了一跳,因覺得大纜都扯唔埋,我們個個都話CY叻仔,平時呆吓呆吓,咁都追到個女神返嚟。」

記者:林祖傑