【明報專訊】83歲余慕蓮去年11月驗出患血液炎入住伊利沙伯醫院，在ICU接受治療，其間因細菌入肺要插喉，後來情况轉穩定，現在於九龍醫院休養。在醫院度過農曆新年的余慕蓮，已拔喉三四天，可以跟朋友傾電話；昨日她與車淑梅通電話報平安，但聲音有點沙啞。余慕蓮透露已幾個月沒說話，雖然現在已拔喉，但因為不夠氣，不可以講太久，並表示已跟十幾個朋友通電話。
盼盡快出院食大餐
余慕蓮稱現在只可全流質飲食，希望早日能進食固體食物，有氣力起身；現時她長期瞓牀，大小便要用尿片。問她痊癒後，最想吃什麼？她大呻：「什麼都想食，幾個月沒吃過東西，同房的人有早、午及晚餐，我無得食。」至於何時才能進食，余慕蓮說：「醫生話要等營養師，以及要照X光，睇我識唔識吞嘢，如果唔識吞，就驚我會鯁親。」
余慕蓮聲音雖然沙啞，不過聽來精神不錯，對答如流，她稱有做物理治療，卻未知何時可出院，並說：「不敢講，要睇情况，食到嘢才有力起身，瞓了幾個月牀，背脊都損了。」最後余慕蓮多謝大家關心，希望能快些出院。
娛樂組
