【明報專訊】林作與「富三代」鍾培生的百萬擂台戰定於9月18日九龍灣Star Hall舉行，場館預計可容納1800觀眾，有報道票價由1200元至3萬元。對於3萬元的票價，林作笑說：「3萬蚊一張飛，我估得你（鍾培生）老竇會買。我媽媽應該會喺場外等接個仔放工。」
「林鍾一戰」備受矚目，杜汶澤昨日在社交平台留言：「有多餘錢，你會去睇有誠意嘅《一秒拳王》，定還是小丑打交？」鍾培生回應杜汶澤說：「首先多謝杜汶澤先生關注，唔係小丑打交，係慈善企業家打小丑，另外場地座位價錢表一律未安排……」他又稱拳賽收益會撥捐慈善活動，絕不會出現收錢後server hang機或呃錢買飛的問題。鍾培生續暗諷杜汶澤稱，出post就叫好有誠意支持港產片，香港人好容易滿足。據悉鍾培生早前包場睇《一秒拳王》，以示支持本地製作團隊。至於林作對「小丑打交」言論也反問杜汶澤：「𠵱家電影還是真人show多人睇啲，杜生應該好清楚。」
娛樂組
