歐陽震華最驚肚腩消失:別人誤會我有病

文章日期:2021年04月25日

【明報專訊】歐陽震華(Bobby)昨日到新城電台為薛家燕主持的節目擔任嘉賓。Bobby表示沒戴口罩因已聽醫生意見,已接種科興疫苗,準備7、8月到橫店為《洗冤錄2》開工。

Bobby回想上次在內地酒店隔離,他趁機狂做健身,令身形甚弗,但回港後接受家居隔離,只食、瞓、屙,加上難敵美食,又令身形打回原形,笑稱如肚腩消失,別人就誤會他有病。

「我個年代友台是ATV」

家燕姐大讚Bobby於無綫劇《伙記辦大事》演得好,絕對是收視福將,甚至福到去內地。Bobby說:「都是大家開心,合作過的,女嫁得好、男就有前途。」對於無綫與ViuTV開戰,Bobby認為不應以打仗形容,其實各有各做,「都是向觀眾交代,大家也是想做好節目畀觀眾睇,睇厭咪轉吓第二啲畀觀眾睇」。

Bobby早前稱停留在1980年代,只覺得友台是ATV言論被網民猛烈抨擊,Bobby解釋道:「你話我識唔識ViuTV 吖!當日講緊友台,我個年代友台是ATV,只是個問題帶了我入犯錯位,其實宣傳都是炒作吓,我講錯咗,不好意思,下次我會小心點,無競爭邊有進步,以前我都講過,香港多幾間電視台就好,好似去茶餐廳食嘢都有得揀,是好事。」

記者:林祖傑