劉俊謙中指受傷縫3針

文章日期:2021年04月29日

【明報專訊】劉俊謙日前在社交網上載左手中指包着紗布,還有躺在病牀的照片,但未有解釋如何受傷。劉俊謙昨日拍片透露受傷情况,表示中指縫了3針,仍有輕微瘀傷。

手指貼了膠布、心情輕鬆的他對着鏡頭擺出不同甫士,講述事發經過:「我有個好朋友揸車送我,佢開車尾箱時,我以為佢想拎嘢,就想幫好朋友拎嘢,點知我伸隻手入去,佢就閂埋車尾箱,我隻手指當場夾扁,佢好驚,仲驚過我,佢拉番開個車尾箱後,我隻手指背面個位擘開咗,醫生話傷口有0.5cm至1cm深。我覺得唔係好大件事,但我好朋友好驚,我反過來安撫佢,我話『冇嘢,冇嘢,我撳住傷口止血,啲肉都黏番埋』,但過咗兩小時都黏唔埋,要去醫院縫3針,咁大個仔極少入院,今次都幾深刻,當時我瞓喺度望住個傷口,佢哋好似做針線咁縫傷口,當時已打麻醉針,唔算痛,呢個經驗幾得意,𠵱家日常活動隻手指都郁到,不過傷口未好晒。」

娛樂組

相關字詞﹕每日明報-娛樂