趁疫下平租開餅店 佗B湯怡擔心巡舖作動

文章日期:2021年05月05日
另一個「BB」出世|大肚湯怡斥資幾十萬 成立個人烘焙品牌

【明報專訊】懷孕7個月的湯怡將於7月分娩,昨日她於尖沙嘴見傳媒,再宣布喜訊,婚後實現理想,成立個人烘焙品牌KAKAchevee,網店本月底營業,首間店舖下月於荃灣開幕,她最近跟不同品牌和餐廳合作,更為母親節創作陳醋雪糕。湯怡說:「芝士蛋糕、曲奇所有都是手作,懷孕期間容易攰,生產力低,有請兩個師傅幫手,產前、產後都會在餅店打躉,有想過巡舖時要生仔點算?」

湯怡讀中學已愛上炮製糕點,去年計劃赴日本進修,但遇上疫情封關,沒想到此時人生迎來結婚生仔,加速實踐烘焙生意。她說:「趁疫情平租,麥生(老公麥秋成)鼓勵我做,今次開舖斥資幾十萬,他有出錢支持我。我見到梁詠琪疫情下留港上堂整甜品新聞,我希望生完仔,再進修烘焙課程。」她笑稱老公好怕食芝士,試過餵對方吃一口她烘焙的芝士蛋糕,對方登時變樣,畀面夾硬吞落肚。

決定順產體驗陣痛

母親節將至,準媽媽湯怡當日休息一天,跟母親、奶奶食飯慶祝。她說:「做了媽媽,今年母親節特別開心,現在胎兒開始會踢肚皮跟我交流,聽歌特別有反應,我有時會彈琴胎教,BB喜歡食辣味和炸物,但我皮膚敏感不敢食太多,過兩天影大肚寫真,送給自己做母親節禮物。」胎兒性別暫時保持神秘,她透露決定順產分娩,並說:「我家姐都順產,我都想體驗陣痛滋味,所以我堅持做瑜伽、行樓梯,希望幫助生產順利,但不會再做倒立,以安全為重,免得長輩擔心。」

記者:鍾一虹

攝影:劉永銳

■更多娛樂猛料 ﹕ol.mingpao.com