【明報專訊】現年71歲的薛家燕早前公布兒子石耀庭（Jackson）準備當爸爸，將榮升嫲嫲的家燕姐，期待愛孫出世之前，最近聯同Jackson母子檔合作拍攝果汁廣告，一齊吸金為BB掙奶粉錢。
廣告由Jackson執導，他特別為媽咪安排身高6呎的年輕型男Daniel做拍檔，家燕姐自爆一見到靚仔即回春。她大讚對手說：「個男仔做戲不錯表情十足，大家外形都幾襯，我簡直是回春。雖然大家沒有拖手仔接觸，只有眼神交流，不過我見到他已流口水！」家燕姐已是第2次跟Jackson合作，對上一次要她做Captain Nancy打足十幾次才收貨。今次拍攝的要求也很高，想她以最靚、最誘人姿態飲果汁，結果邊拍邊飲了3支果汁，搞到家燕姐頻頻上廁所，慶幸最終順利完成，準時收工。
娛樂組
