觀眾嗌過癮 「好耐無試過追電視睇」

文章日期:2021年05月23日

【明報專訊】《ERROR自肥企画》完美落幕,網民不捨,對最後一集的安排讚不絕口,留言稱︰「實在太感動,以Eva開始,以Eva作結,『人類補完計劃』竟然可以咁樣套用,神奇、頂級、超卓」、「睇完後,完全好有《新世紀福音戰士》最後一集結局feel。有睇過都知最後嗰集作者係黐晒線咁,完全睇唔明。但今次ERROR人類補完計劃講得好有深度,值得再睇。」

大多網民留言都離不開睇得很開心過癮,感謝ERROR及幕後團隊,包括「ERROR成班人都夠癲夠放,咩都敢拍敢做,而幕後製作又夠黐線,成日度到啲無厘頭、諗唔到嘅遊戲。老實講,睇咗幾十年爭櫈仔大電視,觀眾都厭啦,餓咗咁耐綜藝,有新突破當然紅啦!」「好耐無試過追電視睇,辛苦晒你哋,每集都好精彩,好好笑,睇得好開心」、「多謝ViuTV捧咗ERROR同無制限團隊出嚟,令我哋每晚都有番以前追電視嗰種氣氛。」

有彈ViuTV食人血饅頭

不過有讚亦有彈,有網民留言「ViuTV食夠人血饅頭未?成日提香港人? 煩唔煩呀,節目有粗口點解唔cut?啲家長多謝晒你哋。」

RELATED