【明報專訊】林家棟、文念中與劉天蘭等昨日出席《開班！電影美術及服裝造型十三課》記者會，宣布招募50名學生接受專業課程，劉天蘭稱未開記者會已有人報名，反應熱烈。
林家棟與林嘉欣等擔任講師，曾擔任監製的林家棟，不想誤導學員監製只為睇住盤數，都有藝術要求。無論錢多少，最緊要是做出好成績，他說：「我會用少少監製、比較多用演員角度去讓他們知道。」
早前他與古天樂（古仔）合作拍攝新片《惡行之外》的動作鏡頭，不慎擦爆左額要縫10針，他說：「現在的導演好好嘢，見這樣也不嗌cut，個頭已經流血，仍要繼續做，好彩效果不差，導演收貨，但就成為我今年的烙印。古仔又送禮物畀我，好小事，男人總要有點痕迹，不過如果通關，我都會去韓國走一轉『變靚』。」
他表示因拍攝場地極污糟，怕傷口感染便立即去醫院，醫生給他一星期病假，復元後便繼續開工。
