【明報專訊】何廣沛、郭子豪與方紹聰擔任林盛斌（Bob）、江美儀主持的節目《Mean Talk》嘉賓，被翻出過往不少負評，何廣沛曾被抨擊「把聲真係好難聽」。
他直認最近遭無綫高層曾勵珍（珍姐）「提點」，何廣沛說：「她話我講嘢真係唔得，做得好差，不如唔好做呢行啦。」那刻終於知道嚴重性，他曾在珍姐房間練習英文咬字達一小時，十分感激對方培育及耐心教導。
郭子豪因情緒問題失場
郭子豪被問當年失場事件，他憶述：「當時種種原因導致自己亂晒籠，包括屋企，當時同前女友關係處理得唔好。總之唔想見人，有情緒問題。關了手機幾日，匿喺屋企。」他感激當時劇集監製潘嘉德的暖心慰問。
郭子豪自揭與女友鄧卓殷的肉麻事，從兩年前開始，二人每晚均會開住video call入睡，江美儀與Bob嘲他「sweet得嚟好黐線」。郭子豪冧爆說：「瞓住都唔會熄電話，第二朝瞓醒又見到對方。如果她未醒，我咪開住個call做自己嘢先。」
至於方紹聰則大爆好友孫慧雪「義氣事件簿」，其間江美儀與Bob即場致電孫慧雪「套料」兼逼供。
娛樂組
