【明報專訊】男子組合ERROR於2019年聖誕節到商台接受鄭裕玲（Do姐）節目訪問結緣，當時肥仔（梁業）從Do姐手上接禮物時，大膽摸Do姐手仔，對他們而言意義重大，皆因好少新人可以摸Do姐隻手。
人氣爆燈的ERROR繼跟古天樂合作拍廣告後，他們跟Do姐合作拍宣傳片，昨日ViuTV的facebook專頁上載Do姐和ERROR為八達通卡登記消費券的宣傳短片。肥仔、193（郭嘉駿）、阿Dee（何啟華）和吳保錡化身「ERROR流忍者」，在「司令」Do姐面前跪低，Do姐怒吼：「你4隻嘢咁放肆？」片段中肥仔反串學生妹，保錡也有扮女人，場面爆笑。
肥仔瞓覺好得意
Do姐在Instagram分享拍攝花絮照片，她與熟睡的肥仔合照，並留言：「呢個肥仔好得意，一秒就瞓着，但下一秒醒咗又好精靈。」她又說：「Do姐教精ERROR，你哋4隻嘢最近好似靚仔咗！係紅咗之後靚仔？定係靚仔咗至紅。」網民期待Do姐跟ERROR合作《Do姐ERROR去shopping》，又想睇《古生ERROR遊》，定必成熱話。
娛樂組
