【明報專訊】鍾舒漫與前落選港姐陳潔玲去年發生生意糾紛，鍾舒漫入稟向對方追討4萬元，案件前日在小額錢債審裁處裁決，鍾舒漫獲判勝訴，陳潔玲要向她賠償43,560元及訟費1183元。鍾舒漫離開法院後與胞妹鍾舒祺接受傳媒訪問時，突遭陳潔玲騎劫訪問，鍾氏姊妹決定讓陳潔玲先受訪，她們在一旁等候。
鍾舒祺前晚在社交網上載事發時片段，見陳潔玲闖入鏡頭時先搭着鍾舒漫膊頭，將她輕輕推後，未知是否一時心急才如此。鍾舒祺發火留言︰「做訪問都要有規矩，畀你騎劫咗個訪問，你鍾意講，我哋畀你講，但係唔好郁手郁腳，你仲要推開我家姐，就係為咗攞個鏡頭，真係好無禮貌，唔該你以後唔好再掂我家姐。」她續說：「誰無過錯？知錯能改就得。家姐拒絕你一齊做訪問，你鍾意做咪畀你做囉，之後你要道歉，仲要人哋行過嚟你面前畀你道歉！小姐你無事呀嘛？你嘅行為一啲都唔值得人尊重。」圈中好友王君馨、泳兒、吳嘉禧等力撐鍾舒祺，王君馨說：「講道歉之前請學識尊重人先！」泳兒：「推開人哋好肉酸ah omg，跟住講對唔住就當無事發生過。」
娛樂組
