自覺死過翻生 余慕蓮精神奕奕大啖食乳鴿

文章日期:2021年09月22日

【明報專訊】84歲余慕蓮(魚毛)去年底因肺纖維化入院,驗出患血液炎,一度入ICU插喉及用呼吸機幫助呼吸,今年4月出院。她住院休養時,薛家燕不時跟她視像通話鼓勵,日前《東張西望》播出家燕姐與安德尊跟魚毛茶敘。魚毛精神奕奕比前圓潤,不用坐輪椅,以助行架出入。由於插喉幾個月,出院初期要食流質食物,片段中見她大啖食點心也沒問題。

家燕姐讚魚毛生命力強。魚毛說:「我想玩多幾年先,我好感恩,啲人話我之前入ICU,10個入去、9個都唔出得嚟,我肺纖(維化)嘛,𠵱家幾個月要打一次標靶藥,一次幾千元。」訪問期間魚毛胃口大增,大啖食乳鴿,不過她吃得稍急,突然咳了幾聲。她說:「之前睇住人食嘢流口水,自己無得食,樣樣唔食得,嗰時喺醫院,食嘅嘢要剪碎,飲水要加凝固劑,驚我濁親。」在旁的家燕姐說:「佢食唔到嘢想喊,因為疫情,啲人又唔可以睇佢,後來可以慢慢食番嘢,佢自己練習,好積極人生,好樂觀。」魚毛稱要做番正常人,之前死過翻生,不能說話又不能吃東西,要用尿片,長時間瞓牀令她背脊爛,以為自己會死。

娛樂組