入院切除脊椎腫瘤 李蘊躺平3日禁落牀

文章日期:2021年10月28日

【明報專訊】李蘊與內地金融才俊羅章冠結婚6年,育有一對子女。婚後淡出幕前的她,一家人在廣州定居。李蘊日前透露身體出問題,入院接受全身麻醉手術,前日手術後在社交平台上載照片及交代病情,表示患上脊椎腫瘤,需要入院做切除手術。她說︰「我pat pat上面右邊嚿骨痛咗幾個月,平時唔痛,係跑步、跳起、運動先痛。一路都以為生完小朋友,有時又要抱,腰痠骨痛係正常,無理佢。上星期五心血來潮去睇吓醫生,醫生話似坐骨神經痛。」醫生建議她照磁力共振會較清楚,結果發現胸椎椎管入面有粒1x1.6cm的脊椎腫瘤,李蘊說:「我第二日就去大醫院搵大醫生睇清楚,第三日就入院同做各樣深層次檢查,今(前)日就已經全身麻醉切咗粒嘢,拎去化驗,驗清楚係咩嚟,過兩日先有結果。」

由於腫瘤黐住神經,李蘊不能做微創手術,又稱傷口約5厘米長,手術後兩三日不能下牀,她說︰「𠵱家傷口好痛吓,呢幾日要平躺,枕頭都唔可以用,食屙玩瞓都喺牀,過多幾日就可以出院㗎啦!大家身體最緊要,有唔舒服,唔好等,唔好忍,真係睇咗醫生先,及早發現及早治療,大家一定要身體健康。」李蘊昨日上載躺在病牀的短片,透露前晚可以進食及飲嘢,但有難度。

娛樂組