嘲ERROR常客串成「ViuTV洪天明」 193盼《戀講嘢》變長壽節目保曝光率

文章日期:2021年11月10日

【明報專訊】ERROR成員193(郭嘉駿)昨日錄影ViuTV節目《晚吹-戀講嘢》,希望反應好可變長壽節目,確保有穩定曝光率,他說:「我不是鬧公司,但平時沒什麼公司工作做,ERROR成員都是『ViuTV洪天明』,平時只客串節目,一年都不知有冇一個自己的節目,好彩遲些我有套籃球劇拍。」

ERROR難敵MIRROR奪組合金獎

193直認唱歌方面也沒什麼成績,只得一首半歌曲。問可有信心衝擊新人獎?他說:「梗係冇啦,你當Edan(呂爵安)、MC(張天賦)同Mike(曾比特)流的嗎?我只會當肥仔(梁業)流,不會爆冷啦,如果爆冷真係好冷,我睇好Edan,希望一齊出來的Edan贏。」

對組合獎又可有信心?他笑稱:「組合獎冇啦,我覺得一日有MIRROR喺度,一日都唔會有ERROR攞到獎,我唔期待MIRROR 12個無啦啦唔見晒,但可能將來有機會,佢哋如果掙夠退休的話,讓個位畀我哋攞獎都好。我幻想到10年後,即使我們成熟了,永遠有MIRROR喺度,ERROR都攞唔到金獎。」又稱會出席頒獎禮,但要先飲定咖啡,並笑說:「我如牛郎般,其實陪坐都攰,要飲好多咖啡,才維持到精神。」

擔心胞妹前途 推銷畀隔籬台

對於胞妹郭嘉盈有可能於《全民造星IV》淘汰出局,193表示妹妹不是多才多藝及特別靚,也替對方擔心,並說:「希望阿媽不要太擔心,我都希望妹妹有工作,最近我都幫手傾到一個和妹妹合作拍的廣告,不過如果她不能入圍做女團,都好難入到行,我有諗過直接問公司簽不簽我個妹,但這個要求太離譜,如果隔籬台想簽她,樂小姐(樂易玲)可以打畀我個妹。」

記者:林祖傑