【明報專訊】毛記電視旗下藝人陳柏寧（利君牙）與毛記創辦人之一的姚家豪（阿Bu）相戀5年，利君牙前日在在社交網宣布兩人結婚的喜訊，她寫道︰「我結婚喇！拍拖嗰時無親自同大家講，𠵱家補番啦！用咗好耐思考到底結婚係為咗咩，好多人都會話都係差張紙啫，但其實又係咪真係差張紙呢？最後我嘅結論係同平時做嘢一樣，諗幾多都係無用，做咗再算。」
她趁機向阿Bu表白︰「多謝你，成日用行動嚟話我知你有幾惜我，例如記住晒我講過嘅無聊嘢，打緊機都會照聽我電話（最多hea覆），會好畀面咁食晒我啲垃圾創意料理。不過其實唔使做咁多，間唔中用口講我都OK㗎。」
利君牙早前曾報名參加ViuTV《全民造星IV》，但面試後未能入圍。
娛樂組
