【明報專訊】歐錦棠上周四（20日）在社交平台透露，太太萬斯敏要接受手術，祈求一切順利。事隔6日，他前天（26日）在社交網報平安，稱太太的手術屬高風險，現在手術成功並已出院，他放下心頭大石，「CEO（指太太）出院了！第一件事話好想飲餐茶。本來一般做完手術後，物理治療都要6日，但係CEO意志超強，只係做咗兩日物理治療就進步神速，呢個先至係真正『溫打烏文』（Wonder Woman）」。
及早做手術 減少痛楚
歐錦棠稱太太由去年6月一直忍痛與隨時跌倒的危險，堅持演出他們劇團最後幾套劇，到最近兩個月，太太行路情况每况愈下，經常不受控跌倒，後來找到一名好醫生，診斷她多年的腰痛腳痛，與走路跌倒的問題跟神經線有關，於是立即轉介到神經科醫生。
太太照完MRI（磁力共振）後，原來是胸椎裏生了一粒腫瘤，壓住神經線所致，「終於搵到真正嘅病源，醫生話拖多一日就差多一日。就嚟過年？乜都唔理喇！有乜嘢緊要得過健康？大家可能聽到都驚，要喺胸椎脊骨安全地取出腫瘤，又要免傷及神經線，係需要幾精細同高超嘅技術，一切唯有交託給主的保守帶領。好感謝醫生嘅精湛醫術，同埋親切關懷，亦感謝醫院嘅所有護士悉心照顧，更加唔少得，係各位網友真切嘅祝福同埋代禱」。
娛樂組
