姜濤大整蠱 公開肥仔露點相

文章日期:2022年03月11日

【明報專訊】姜濤與ERROR成員梁業(肥仔)老友鬼鬼,並以師徒相稱,近日師徒合作戲弄ERROR經理人「濟哥」鄧永鑄,姜濤「意外」讓肥仔的露點相流出。

肥仔在社交網公開兩張濟哥拍攝廣告時的硬照和片段,寫上「ERROR新形體大師」、「會唔會太有型」等取笑對方。濟哥反擊公開肥仔去到邊瞓到邊的短片,曾跟肥仔傳緋聞的練美娟也留言:「我有一萬張喺手。」

身為徒弟的姜濤隨即加入戰團,分享濟哥的硬照,接着再連續上載3張相,相中肥仔被濟哥從後攬住,姜濤寫道:「每一個成功的男人(肥仔),都會有你的存在(濟哥)。」並標籤了肥仔和濟哥。

肥仔之前曾近距離「低炒」影姜濤露鼻毛相,今次他上載肥仔3張赤膊露點相,肥仔無奈回覆:「我搞佢(濟哥)咪算囉,你做咩搞埋我。」再用心形圖案幫自己「一點」打格,十分搞笑。

娛樂組