【明報專訊】江嘉敏昨日於社交網限時動態貼出座駕車身遭刮花的照片，並附不開心表情圖，寫道：「其實傷得唔太嚴重，但係去車房整都要三四千。」並揭背後故事，表示停泊車場內的座駕，疑被其他車主撞花，當她想追究事件，卻受到車場管理員不禮貌對待。
江嘉敏說：「一直聯絡不到刮花我架車的車主，我唯有留張字條在他架車上叫他聯絡我！估不到今（昨）日管理員叔叔，見到我就大大聲鬧我，仲郁手郁腳，話車主叫他同我講：『報警囉！驚你啊！』我覺得就算有心定無意，刮花了就是刮花了，這樣都算一個交通意外，不應該因為見到大廈停車場冇CCTV，見到我架車冇後cam就心存僥倖。」
其後江嘉敏再發文報平安，透露自己安全無事，請慰問她的朋友放心，但內心很不快，接受不到有不負責的人，「做咗錯事冇人見到、冇人影到、冇CCTV影到，就當自己冇做」。
江嘉敏分享曾於街上目擊交通事故，有司機撞花前車企圖不顧而去，於是她挺身做證，並訓斥該司機需要留聯絡號碼及道歉字條負責任，江嘉敏說：「可能好多人會覺得我好多事，我憑咩去教導人，但起碼覺得自己做了一樣對的事。」
娛樂組
