【明報專訊】敖嘉年早前接受無綫娛樂新聞台《星光路上》專訪分享入行點滴，表示入行前做過電影美術指導及電台DJ，1996年經恩師洪朝豐介紹下加入無綫，自爆14歲已初嘗幕前工作，試過於電影《霸王花》當臨時演員，更參加過《歡樂今宵》舉行的歌唱比賽，穿上問別人借的不合身西裝，配以扮郭富城的髮型上台，當時驚到震。
無綫首份工作擔任《城市追擊》外景主持，敖嘉年稱有很多難忘事，不開名指當中曾遭一名視為偶像的前輩嚇窒，他說：「我問佢嘢，佢就問我：『做乜問我啫？問我老婆啦。』當時我即刻打咗個突，同埋都幾難受。」故他每次受訪都會將尊重放在大前提，並說：「有樣嘢係郭富城教識我嘅，我永遠都會記得。佢喺我哋未開咪前問我：『點稱呼你？』然後一開咪佢就話：『嘉年，你好。』」
憑《巾幗梟雄》系列的「蔣必文」及「排骨仔」角色為人熟悉，敖嘉年稱當初獲無綫高層曾勵珍邀請加入劇組時誠惶誠恐，因不懂看劇本及欠缺專業訓練，鬧出不少笑話，最難忘一次是不醒目地擋了前輩的面光，稱每次被罵後都感到很挫敗，慢慢從學習中成長。
娛樂組
