蔡明思見紅入院 盼順產誕B

文章日期:2022年04月11日

【明報專訊】女子組合Super Girls前成員蔡明思(Jessica),2019年與台灣丈夫陳冠廷結婚,去年底宣布懷孕,預產期在4月。近日她在社交網上載身在醫院的照片,打算順產分娩的Jessica透露「見紅」兼「宮縮」,便到醫院檢查,「見紅咗兩日之後,終於有宮縮,9日早上6點幾痛醒,一企起身又唔痛,但一瞓低又痛,起身又見紅,所以最後中午決定,都係入院睇睇,其實我知未生得,因為我啲宮縮唔算好密,又唔算好痛,所以我知去醫院之後,一定係要返屋企。」Jessica表示檢查後未開夠「度數」,加上宮縮輕微未可分娩,醫護提議她回家等。

不過當Jessica回家後,覺得愈來愈痛,陣痛次數愈來愈頻密,她說:「11點左右痛到6分鐘一次,都算幾痛,我就唔理佢係唔係有規律,馬上入院。好彩有入院,之後痛到3分鐘一次,原來開咗兩指,等咗好耐個Covid報告,先可以叫麻醉師過嚟打麻醉,白白捱咗兩個鐘頭痛,麻醉係世上嘅偉大發明!打完麻醉即穿羊水,但都只係開咗2指,𠵱家我要瞓吓先。」Jessica形容宮縮過程痛楚,以為可以忍受,但她開到兩指已經不想忍,笑言很難想像開到4指會怎樣,希望最後順產成功,BB順利出世。

娛樂組