【明報專訊】關心妍將於6月假紅館舉行演唱會，近日為個唱努力綵排，談到女兒楊榮心是否擔任嘉賓？她透露囡囡的表演有眉目，已向朋友借瑜伽墊，可達成女兒在台上打筋斗的夢想。
雖然疫情緩和，但關心妍不敢掉以輕心，採以最高防疫規格迎紅館騷，「因為我哋要對觀眾負責，好驚自己病，謝絕所有探班、打氣，老公每日都會去我所到之處消毒，他是個騷的衛生組組長，有佢喺度我好放心」。
近日關心妍的粉絲不停在網上留言估嘉賓又點唱，她稱難以滿足大家，並笑說：「嘉賓唔會太多嘅，總之有男有女啦，我都想爭番成個騷自己唱。fans成日網上點唱，盡量啦，要睇時間，唔會畀個騷超時，因為唔係好多錢㗎咋，唔好搞到主辦畀人罰錢啦 。」
娛樂組
■更多娛樂猛料 ﹕ol.mingpao.com
