【明報專訊】胡杏兒為王祖藍主持的無綫綜藝節目《有個閨密叫祖藍》擔任嘉賓，獻唱歌曲《千言萬語》時笑稱大仔曾聽到落淚，她笑說：「大仔一歲時我唱過呢首歌畀佢聽，唱到佢流淚，好似好感動咁，唔知係咪我唱得難聽呢？」
在節目中被問到最差一次接吻戲經驗？杏兒苦思後大爆：「我記得拍《當狗愛上貓》，場戲其實無乜嘢，但我唔知係個胃唔舒服定點，惜完之後當場嘔。」她未有透露同場對手是羅嘉良還是黃浩然，但網上已流傳劇中黃浩然惜杏兒的情景。至於最不滿意一套劇集？杏兒直言是《衝上雲霄》，她說：「因為第一次戲分咁重，覺得自己要有角色鋪排，但當時真係唔知自己做緊乜，覺得好迷惘同好驚，所以永遠回望番，都覺得自己可以做得更好。」
娛樂組
